Тәуелсіздік – тәу етер жалғыз кие

Тәуелсіздік күні қарсаңында  «Тәуелсіздік- елімнің ерлік жолы» атты салтанатты мерекелік кеш өтті. Іс-шараның басталуында  мектеп директоры Қалиев Руслан Серікұлы мектеп ұжымын, оқушылар мен ата-аналарды мерекемен құттықтап, жылы лебізін білдірді. Әрі қарай кешіміз мерекелік концертке ұласты.

Мектептің мұғалімдері мен оқушыларынан дайындалған сахналық қойылым көпшілік көңілінен шықты.  Сонау көшпенділер дәуірінен бергі тарихымызды Жер-Ана мен Тарихшы жырау сыр қылып шертті. Сақтар патшайымы Томиристен басталған тарихымыз үш биіміз Төле, Қазыбек, Әйтеке билердің даналығын, Абылай хан мен оның қос батыры Қабанбай, Бөгенбайлардың ерлігін, Торғайдағы Ұлт-азаттық көтерілістің басшысы Аманкелді Имановтың батырлығын, тар заманда өмір сүрген Әлихан Бөкейхан бастаған алашордалықтардың еңбегін, бүгінгі таңдағы ұлттар достығын керемет сахналандырылған қойылыммен көрсетті. Шағын қойылымдар арасы «Жас өркен» балалар хорымен, әсем әндермен, күмбірлеген күйлермен, мың бұралған билермен көмкерілді. Мұндай тәрбиелік тағылымы мол кештер жас ұрпақтың болашағына зор ықпалын тигізері сөзсіз.