2024-2025 оқу жылының соңғы қоңырауы соғылды

«Мектебім, саған мың алғыс!»
Соңғы қоңырау – бұл жай ғана мектеппен қоштасу емес, бұл арманның бастауы, өткенге тағзым мен болашаққа сенім арту сәті.

Соңғы қоңырау – әр түлек үшін жүрекке мәңгі сақталатын ерекше сәттің белгісі.

Республикалық физика-математика мектебінің Астана қаласындағы филиалында биыл 160 түлек алтын ұя мектебімен қоштасты. Бұл – терең білім мен мәнді тәрбиені бойына сіңірген 8-ші түлектер легі.

Айрықша кешке – осы мектептің түлегі, бүгінде еліміздің маңызды саласына жетекшілік етіп отырған ҚР Қаржы министрі Мәди Тәкиев те қадірлі қонақ ретінде арнайы шақырылды. Танымал түлектің қатысуы – оқушылар үшін үлкен мәртебе, шабыттың, жарқын болашаққа деген сенімнің символы болды.

Өз сөзінде ол РФММ-ді тебірене еске алып, оқушыларды адалдық пен еңбекқорлыққа үндеді. «Осы қабырғадан алған білім мен тәрбие – менің өмірлік жолымды айқындап берді» деп ерекше атап өтті.

Ата-аналар жүрекжарды тілектерін айтып, ұстаздарға өз алғыстарын білдірді.

Қоштасу вальсі мен арнайы әзірленген концерттік бағдарлама кешке айрықша әсер мен мазмұн қосты.

Ән мен жыр арқылы түлектер мектепке, ұстазға деген сағынышын жеткізді.

Сәт сапар, саған Жас түлек!