FIZMAT мұғалімі — ТМД үздігі!

Fizmat мектебінің білікті математика мұғалімі Дана Уйсинбаевна Халықаралық «ТМД-ның үздік педагогі» байқауының жеңімпазы атанды!

Бұл жеңіс — Дана Уйсинбаевнаның кәсіби шеберлігінің, қажырлы еңбегінің және математика ғылымына деген шексіз адалдығының жемісі. Халықаралық деңгейдегі жоғары марапат ұстаздың біліктілігі мен шәкірт тәрбиелеудегі ерен еңбегінің лайықты бағасы болып табылады.

Fizmat сабақтастығы мен ұстаз рухы

Ерекше атап өтер жайт, Дана Уйсинбаевна — біздің мектебіміздің түлегі. Бір кездері осы қара шаңырақтың партасында отырып, математиканың қыр-сырын меңгерген шәкірт бүгін сол алтын ұясында ұстаздық етіп, халықаралық биіктерді бағындыруда. Бұл — нағыз сабақтастық пен дәстүрлі білім мен заманауи педагогикалық шеберліктің үйлесімінің көрінісі.

Дана Уйсинбаевнаның әрбір сабағы — шәкірттері үшін білімге ашылған жаңа есік, ал оның жетістігі — бүкіл мектептің ортақ мерейі.

Прикрепленные файлы