Neuralese – РФММ оқушылары әзірлеген жаңа буын білім платформасы

Олар өз командасымен бірге Neuralese атты білім беру платформасын әзірледі. Бұл жоба мектеп оқушыларына бағдарламалау тілдерін меңгермей-ақ жасанды интеллект модельдерін құруға мүмкіндік береді. Күрделі кодтың орнына қарапайым әрі интуитивті визуалды орта ұсынылып, оқушылар нейрондық желілер мен машиналық оқытудың жұмыс істеу қағидаларын тәжірибе жүзінде оңай игере алады.

РФММ оқушыларының бастамасымен дүниеге келген жоба халықаралық деңгейде жоғары бағаланып, бірқатар беделді жетістіктерге қол жеткізді:
АҚШ-та өткен әлемдегі ең ірі ғылыми жобалар байқауы Regeneron ISEF финалисі атанып, Special Award арнайы сыйлығын иеленді;
20-дан астам елдің үздіктерін біріктірген InfoMatrix Asia халықаралық олимпиадасында алтын медаль жеңіп алды;
Республикалық ғылыми жобалар конкурсының жеңімпазы атанды.

Бүгінде Neuralese – жай ғана идея емес, тәжірибеде қолданылып жатқан нақты білім беру өнімі. Команда бес пилоттық бағдарламаны сәтті өткізіп, оған 200-ден астам мектеп оқушысы мен студент қатысты. Сонымен қатар жоба 350-ден астам стартап арасынан іріктеліп, Astana Innovations Accelerator акселерациялық бағдарламасының үздік 25 жобасының қатарына енді. Сондай-ақ Neuralese стартапы Alem AI алаңында өткен Pizza Pitch байқауының финалында бақ сынаған үздік 10 команданың қатарынан көрінді.

Алдағы кезеңде Neuralese жобасын Астана қаласының білім беру ұйымдарында пилоттық форматта енгізу жоспарланып отыр.

РФММ – жасанды интеллект пен болашақ технологияларын дамытып жүрген жас таланттардың ордасы. Дарынды шәкірттерімізді мақтан тұтамыз!