Халықаралық «Fizmat Chess Open Astana 2025» турнирі: Шахмат ойнап, грант ұтып алған ұл мен қыз

Халықаралық «Fizmat Chess Open Astana 2025» турнирі осымен төртінші мәрте ұйымдастырылды.

 «Республикалық физика-математика мектебі» КеАҚ Басқармасына қарасты Алматы, Астана, Орал қалаларында да турнир жыл сайын өткізіліп тұрады.

Астанадағы биылғы турнирге 300-ден аса оқушы қатысты. Олардың 30 жуығы қыздар.

Биылғы турнирге Астана, Алматы, Талдықорған, Павлодар, Петропавлск, Қарағанды және тағы басқа қалалардың шахматшылары қатысты.

Географиялық ауқымы кең турнир ата-аналар мен оқушылар арасында үлкен сұранысқа ие бола түсуде.

«Fizmat Chess Open Astana 2025» турнирі өте тартысты өтті.

Бас жүлде – РФММ грантын алуға ұмтылған ұл-қыздардың қай қайсысы болсын қарсыласын қапы қалдыруға тырысып бақты.

Турнир ұйымдастырушылары: РФММ, Қазақстан шахмат федерациясы және GMCA шахмат академиясы.

Шахмат мерекесі балалардың шеберліктерін шыңдауға зор шабыт берді.

Халықаралық «Fizmat Chess Open Astana 2025» турнирінің жеңімпаздарымен таныс болыңыздар:

Жалпы есеп бойынша жүлделі орындар:
1-орын — Төлегенов Амир
2-орын — Ахмет Сүлейман
3-орын — Құсайын Алтынбек

4–9 орын иегерлері:
4-орын — Әбдірашев Руслан
5-орын — Булатов Дінмұхамед
6-орын — Қабылбек Еділ
7-орын — Мұсаұлы Нұрәли
8-орын — Болатов Алан
9-орын — Ағзам Әлішер

Қыздар арасындағы үздік үштік:
1-орын — Өмірсерік Алима
2-орын — Рау Мүнира
3-орын — Скурыгина София

Арнайы номинациялар бойынша жеңімпаздар:
12 жасқа дейінгі қатысушылар арасындағы ең үздік нәтиже: Төлегенов Әнуар
Ұлдар арасында үздік ең үздік нәтиже көрсеткен РФММ оқушысы: Өмірзақ Қосай
Қыздар  арасында ең үздік нәтиже РФММ оқушысы: Хати Хадиша

Бұл турнир жас шахматшылардың дарындылығын, логикалық ойлауын және табандылығын көрсетті. Барлық жеңімпаздарды шын жүректен құттықтаймыз! Біз сіздерді келесі турнирде күтеміз!