2024-2025 оқу жылына Астана қаласының «РФММ» КеАҚ филиалына 1-сыныпқа қабылдау туралы АҚПАРАТ

1-сыныпқа қабылдау

Республикалық физика-математика мектебінде оқу үшін  дайындық деңгейін анықтау мақсатында 1-сыныпқа қабылданатын талапкерлермен сұхбат жүргізіледі.

Сұхбатқа қатысу үшін өтініш берушінің ата-аналары немесе заңды өкілдері РФММ сайтында www.admissions.fizmat.kz онлайн тіркелуден өтеді. Тіркелу арқылы өтініш берушінің заңды өкілдері әңгімелесу рәсімін аудио-бейнежазбаға түсіруге келісім береді.

1-сынып сұхбаты

• формат: логикалық және абстрактілі ойлауды, сөйлеуді дамытуды, зейінді және жалпы сананы тексеруге арналған сұхбат;
• ұзақтығы: 40 минуттан 60 минутқа дейін уақыт беріледі;
• қорытынды: нәтижесі сұхбат өткеннен кейін 10 күн ішінде шығады;
• Тіркеу деректерін тексергеннен кейін 10 күн ішінде (жұмыс күні) электрондық поштаға тіркеуден сәтті өткеніңіз туралы ақпарат келеді.

*назар аударыңыз

• Оқыту ақылы негізде жүргізіледі
• 2024-2025 оқу жылына 1-сыныптың оқу ақысы 2024 жылдың 31 мамырына дейін бекітіледі.
• Балаларды 1-сыныпқа қабылдау тек 6 жасқа толған немесе ағымдағы күнтізбелік жылда 6 жасқа толатын балаларға ғана рұқсат етіледі.