ХЖО қолдау көрсеткен демеушілерге алғыс білдіреміз!

XXI Халықаралық Жәутіков олимпиадасының абсолютті жеңімпаздары салтанатты жабылу рәсімінде атаулы сыйақыларға ие болды. «Fizmat Endowment Fund» Президенті Әсет Алтыбаев

математика бойынша:

Нұрлан Қаппаров атындағы сыйақыны

Мирон Юркевич, Ратибор Копттилинге;

физика бойынша:

Әділет Имамбеков атындағы сыйақыны

Иван Пругло;

информатика бойынша:

Илья Сегалович атындағы сыйақыны

Борис Миховқа табыстады.

         Биылғы жылы Жәутіков олимпиадасының жеңімпаздарына тағы бір сыйақы тағайындалды. Қырық жыл бойы ұстаздық еткен Сералы Қаниев атындағы жаңа сыйақыға қыздар қауымы ие болды.

Математика, физика және информатика бойынша Олимпиадада жақсы нәтиже көрсеткен:

Aружан Қайрат;

Нұргүл Есенбергенова;

Aнастасия Григораш есімді дарынды 3 қызға дәл осы Сералы Қаниев атындағы арнайы сыйақы берілді. Мұндағы мақсат нәзік жан иелерінің ғылымға деген талабына қолдау таныту.

Жыл сайын географиясы кеңейіп, танымалдығы арта түскен білім додасына «Республикалық физика-математика мектебі» КеАҚ түлектерінің бастамасымен құрылған Fizmat Endowment қоры 2018 жылдан бастап, тұрақты түрде қолдау көрсетіп келеді.

Fizmat Endowment қоры тек қаржылай ғана емес сонымен қатар Олимпиаданың ұтымды ұйымдастырылуына да өз үлестерін қосады. Аталған тұрақты қолдаудың нәтижесінде ХЖО жоғары мәртебеге ие болып, әлем елдері арасында да кеңінен таныла түсуде.

ХХI Халықаралық Жәутіков Олипиадасының ұйымдастыру комитеті:

«Республикалық физика-математика мектебі» КеАҚ;

«Дарын» республикалық-пркатикалық орталығы;

ауқымды білім жобасын жүзеге асыру ісіне жан-жақты қолдау көрсеткен «Fizmat Endowment» қорына және «Lancaster Group Kazakhstan» компаниясына,  Nurlan Kapparov Foundation-ға шын жүректен алғыс білдіреді!