РФММ түлегінің жетістігі

Біз мектебіміздің үздік оқушыларының бірі, физика пәні бойынша олимпиадалық резервтің өкілі — Искандер Аманбаевты Columbia University, Pioneer Academics, Global Youth and Leadership Program және Algoverseсынды беделді жазғы зерттеу және pre-college бағдарламаларына сәтті қабылдануымен шын жүректен құттықтаймыз!
Қатаң іріктеуден сәтті өтіп, Искандер толық немесе елеулі көлемдегі қаржылық қолдауға ие болды. Бұл оның жоғары академиялық жетістіктері мен көшбасшылық әлеуетінің халықаралық деңгейде мойындалғанының жарқын дәлелі болды.
Искандер өзін академиялық және әлеуметтік бағыттарда жан-жақты дамытып жүрген оқушы. Ол тереңдетілген Pre-AP бағдарламасында жоғары үлгерімді сақтап, ғылыми жарыстар мен зияткерлік конкурстарға белсене қатысып жүр.
Жазғы уақытын нәтижелі өткізу үшін Искандер оқу жылы бойы өз мақсаттарын нақты жоспарлап, жаңа оқу жылына бай біліммен және тәжірибемен оралуға дайындалды. Қазіргі уақытта Искандер таңдаған бағдарламалары бойынша оқуға белсене қатысып, бұл жаздың шабытқа толы және өте пайдалы өтіп жатқанын үлкен қуанышпен жеткізуде.
Сенің табандылығың мен ізденісің – біз үшін үлкен мақтаныш! Жаңа белестер мен жарқын жетістіктер тілейміз, Искандер!