РФММ Астана «Ашық есік күнін» өткізді

2023 жылдың 21 қазанында РФММ-де 5-6 сынып оқушылары мен ата-аналарға  арналған «Ашық есік күні» және білім беру орталықтарының көрмесі өтті. Қонақтарға РФММ-ның 9-11 сынып оқушыларының сүйемелдеуімен мектеп бойынша экскурсия ұсынылды. Қонақтар оқу орталықтары мен мектеп клубтарының көрмесімен танысып, “Apple класс”, кітапхана, спорт залын аралады.

Акт залында мектеппен таныстыру мақсатында мектеп директоры Кенжалин Думан Жүзбайұлы сөз сөйледі. Оқу жетістіктері мен оқу үдерісіндегі жаңалықтармен бөлісіп, мектептің мақсат-міндеттеріне тоқталды. Думан Жүзбайұлы оқуға түсу шарттары, қабылдау емтихандары және оқушыларға қолжетімді қосымша білім алу мүмкіндіктері туралы ақпаратпен бөлісті. Ата-аналар мен оқушылар РФММ-ге  түсуге қатысты сұрақтар қойып, толық ақпарат ала алды.

Іс-шара бағдарламасы бойынша мектептің өзін-өзі басқару өкілдері сөз сөйледі, жоғары және орта мектептің президенттері Әбдірахман Нұралы мен Нұғманова Аружан студенттік үкіметтің қызметі туралы сөз сойледі. Момын Мадина (9D сынып) және Алеманова Ясмина (8D сыныбы) Халықаралық шахмат турнирінің қорытындысы бойынша білім грантына ие болған және физикадан Республикалық олимпиаданың жеңімпазы, Қазақстан Республикасы құрама командасының мүшесі Ақанов Альтаир (9Н сынып) мектеп оқушыларының жетістіктері, түрлі интеллектуалдық сайыстар туралы айтып берді. Соңғы болып шақырылған білім беру орталықтарының өкілдері сөз сойледі.

Кітапханада Астана қаласының білім беру орталықтарының өкілдері мен КеАҚ «РФММ» Басқарма төрағасының бірінші орынбасары М.А. Күнғожиннің қатысуымен дөңгелек үстел өтіп, онда сынақ және қабылдау емтихандарың ұйымдастыру ерекшеліктері талқыланды. 

Атриумда іс-шара барысында «SANA» Жаңа ұрпақ орталығы, «Senim School» білім беру орталығы, және «FIZMAT ACADEMY» қосымша білім беру орталықтарының көрмесі өтті. Олар өздерінің білім беру бағдарламаларын ақпараттық стендтер мен үлестірме материалдар арқылы таныстырды.