Президент тапсырмасына сәйкес Мемлекеттік кеңесші Ерлан Қарин халықаралық пән олимпиадаларының жүлдегерлерін қабылдады.

Президент тапсырмасына сәйкес Мемлекеттік кеңесші Ерлан Қарин халықаралық пән олимпиадаларының жүлдегерлерін қабылдады. Қазақстан Республикасының Президенті Қасым-Жомарт Тоқаев жақында өткен депутаттардың республикалық форумында: «Балалар мен жасөспірімдердің арасында нағыз қаһармандарды ‍♂ насихаттауымыз қажет, әсіресе математика, физика және басқа да пәндерден өтетін олимпиадаларда жоғары нәтижеге ✨ қол жеткізіп келеміз. Осындай талантты балаларды қолдап, олардың ұстаздарын ынталандыру керек», – деп атап өткен болатын.

Биыл қазақстандық оқушылар әлемнің түрлі елінде өткен пәндік олимпиадаларда 26 медаль иеленіп, ел абыройын асқақтатты. Ақордаға шақырылған жүлдегерлер арасында РФММ оқушылары да бар. Олар:

1. Цой Максим – International Olympiad in Informatics – күміс медаль иегері;
2. Аманжолов Әмірлан – International Mathematical Olympiad – күміс медаль иегері;
3. Нұрсағатов Марғұлан – International Physics Olympiad – күміс медаль иегері;
4. Қазымбек Ілияс – IPhO Olympiad – қола медаль иегері.

Қазақстанда жастардың өзін-өзі жетілдіруі үшін жан-жақты жағдай жасалған, әсіресе, өскелең ұрпақ үшін білім мен ғылым саласында мол мүмкіндік бар. Оқушылар алдағы уақытта да өз жетістіктерімен қуантады деп сенеміз. Олардың бүгінгі жетістігі – ел жастары үшін ерекше үлгі .