«Үздік сынып жетекшісі – 2026» байқауы басталды

Республикалық физика-математика мектебі (РФММ) 2026 жылға арналған «Үздік сынып жетекшісі – 2026» байқауының басталғанын хабарлайды.

Байқау сынып жетекшілерінің кәсіби шеберлігін арттыруға, оқу-тәрбие жұмысындағы үздік тәжірибелерді анықтауға және оларды кеңінен таратуға бағытталған.

Қатысушыларға қойылатын талаптар

Байқауға келесі талаптарға сәйкес келетін педагогтер қатыса алады:

• педагогикалық еңбек өтілі — кемінде 3 жыл;

• Республикалық физика-математика мектебінде жұмыс өтілі — кемінде 2 жыл.

Байқауды өткізу мерзімі

2026 жылғы қаңтар–мамыр айлары

Кезеңдері:

• Желтоқсан — өтінімдерді қабылдау;

• Қаңтар–мамыр — шығармашылық кезең:

  • ашық сынып сағатын өткізу;

  • кемінде бір жалпы мектептік іс-шараны ұйымдастыру;

• 2026 жылғы 1 мамырға дейін — портфолио тапсыру;

• 2026 жылғы 20 мамырға дейін — байқау қорытындысын шығару.

Марапаттау

• «Үздік сынып жетекшісі – 2026» атағы;

• диплом;

• ақшалай сыйақы.

Жалпы жүлде қоры — 1 000 000 теңге.

Республикалық физика-математика мектебінің барлық сынып жетекшілерін байқауға қатысуға шақырамыз!