Ұлт ғылымының дара тұлғасы – 70 жаста

Республикалық физика-математика мектебі өзінің танымал түлегі — математика ғылымдарының докторы, Қазақстанның Еңбек Ері Асқар Серқұлұлы Жұмаділдаевты 70 жылдық мерейтойымен құттықтайды. Ғалымның өмір жолы – терең ізденіс пен биік зияткерліктің, ұлттық ғылымға адал қызмет етудің жарқын үлгісі.

Асқар Серқұлұлы қазақ ғылымының беделін көтеріп, математиканың күрделі саласында өз жолын қалыптастырды. Оның ғылыми еңбегі мен интеллектуалдық ұстанымы бірнеше буынға бағыт-бағдар беріп келеді.

70 жылдық мерейтойында  Асқар Серқұлұлы ҚР Оқу-ағарту министрлігінің бұйрығымен «Еңбек ардагері» медалімен наградталды.

Республикалық физика-математика мектебі үшін бұл есім – тек түлек емес, зияткерлік дәстүрдің символы. Мектеп ұжымы даңқты түлегінің мерейлі белесін зор құрметпен атап өтіп, оның ғылыми мұрасын жас буынға өнеге ретінде ұсынады.

Осынау мерейлі белесте ғалымға зор денсаулық, сарқылмас күш-қуат және ұзақ ғұмыр тілейміз!