«Абай Құнанбаевқа – 175 жыл» атты танымдық сабағы өтті

Нұр-Сұлтан қаласының РФММ филиалының мәжіліс залында үстіміздегі жылдың 25 ақпанында тарих мұғалімі Көптілеуова Айдана Болатқызының ұйымдастыруымен «Абай Құнанбаевқа – 175 жыл» атты танымдық сабағы өтті. Ашық сабаққа 3-6 сынып оқушылары мен ұстаздар қатысты. Сабақ барысында Абай ақынның шығармашылығынан өлеңдер оқылып, әндер шырқалды. Оқушылар Абай аталарының «Желсіз түнде жарық ай» әнін қосылып жырлап, өлеңдерін жарыса жатқа айтты, ал 3А сыныбының оқушысы Қален Санжар «Көзімнің қарасы» әнін тамаша орындап, оқушыларды өзінің әсем дауысымен сүйсінтті.

Сабақтың соңында балалар Мұхтар Әуезовтің «Абай жолы» романының негізінде түсірілген «Абайдың бабалық шағы» бөліміне арналған фильмді тамашалап, ұлы ақынның өмірі мен шығармашылығына қатысты сұрақтарға жауап беріп, бала Абай тұлғасына талдау жасады. Фильмнен кейін болған талдау сұрақтарына белсене қатысқан бастауыш сынып оқушылары өздерінің «Абайтану» іліміне қанық екенін барынша көрсетті.