ҒАРЫШТЫҢ СЫРЫН АШҚАН ЖАС ҒАЛЫМ

Астана қаласындағы «РФММ» КеАҚ филиалының 11-сынып оқушысы Нурашев Айдын республикалық ғылыми-тәжірибелік «Дарын» орталығы ұйымдастырған «Ғылым әлемін ашамыз» атты халықаралық ғылыми конкурста бірінші орынды иеленді.

Жас зерттеуші «Күн жүйесі және ғарыш физикасы» секциясында «Қос жұлдыздардың нейтрон жұлдызбен әрекеттесуі кезіндегі эволюциясы» атты жеке ғылыми жобасын қорғап, қазылар алқасының жоғары бағасына ие болды.

Айдынның ғылыми жетекшісі – Салимов Алмаз Баймарзаұлы.

Байқау 2025 жылғы 9-11 сәуір күндері Әл-Фараби атындағы Оқушылар сарайында өтті. Ғылыми додаға Қазақстанның барлық өңірлерінен, сондай-ақ Ресей, Өзбекстан және Қырғызстаннан барлығы 116 оқушы қатысты.

Айдын мен оның жетекшісін жеңісімен шын жүректен құттықтаймыз! Оларға жаңа ғылыми белестер мен шабыт тілейміз.