Үздік сынып жетекшісі – 2025

Республикалық физика-математика мектебінің Астана филиалы «Үздік сынып жетекшісі – 2025» байқауын қорытындылады. Байқаудың негізгі мақсаты сынып жетекшілерінің мәртебесін көтеру, тәрбие жұмысының үздік тәжірибелерін насихаттау болып табылады.

«Үздік сынып жетекшісі» – 2023 жылдан бастау алған байқау. 2024-2025 оқу жылында аталған байқауға қатысуға «РФММ» КеАҚ Астана филиалының 5 педагогы өтініш білдірген.

Байқау шарты бойынша сынып жетекшілері осы оқу жылының барысында өздерінің шығармашылық қабілеттерін танытып, ашық сабақтар өткізді және өз таңдаулары бойынша мектепішілік іс-шара ұйымдастырды. Сонымен қатар әр ұстаз қазылар алқасының назарына өз портфолиоларын ұсынды.

Байқау қорытындысы бойынша:

• Бакенова Бақытгүл Замашқызы, 4 В сыныбының жетекшісі, «Ең мейірімді сынып жетекші» номинациясын жеңіп алды және 50 000 теңге көлеміндегі ақшалай сертификатпен марапатталды.
• Хафиз Өркен Мұхитұлы, 6 D және 6 F сыныптарының жетекшісі, «Сегіз қырлы, бір сырлы» номинациясы бойынша жеңімпаз атанып, 50 000 теңге көлеміндегі ақшалай сертификатқа ие болды.
• Қуандыкова Алтын Серікқызы, 2 D сыныбының жетекшісі, 3 – орын иеленіп, 150 000 теңге көлеміндегі ақшалай сертификатпен марапатталды.
• Кәлемшарип Харахат, 3 В сыныбының жетекшісі, 2-орынды жеңіп алды және 250 000 теңге көлеміндегі ақшалай сертификатқа ие болды.
• Мырзахмет Әнуар Бақытжанұлы, 7 Е сыныбының жетекшісі, 2025  жылдың «Үздік сынып жетекшісі» атанды және 500 000 теңге көлеміндегі ақшалай жүлдені жеңіп алды.