XX Халықаралық Жәутіков олимпиадасында оқушыларымыз 7 жүлделі орын жеңіп алды

2024 жылғы 13 қаңтарда Алматы қаласында математика, физика және информатика пәндері бойынша ХХ Халықаралық Жәутіков олимпиадасының салтанатты жабылуы өтті.

Олимпиадаға Қазақстан, Әзірбайжан, Армения, Беларусь, Ресей, Қырғызстан, Өзбекстан, Болгария, Тәжікстан, Моңғолия, Грузия, Сербия, Түркия, Түрікменстан, Румыния және Индонезия сынды 16 елден 700-ге жуық оқушы қатысты.

Қазақстандықтар 109 медаль (10 алтын, 43 күміс, 56 қола) жеңіп алды. Біздің физ-мат оқушылары да жаксы нәтиже көрсетті: Казымбек Илияс және Аканов Альтаир физикадан күміс медальға ие болды. Аушахман Талим үшінші орынға орналасып қола медаль жеңіп алды. Математика пәнінен Куралов Ади күміс, ал Мусаханова Адия қола медаль иеленді.

Балаларымыздың жеңісі құтты болсын, жаңа ғылыми ашылулар мен шығармашылық табыстар тілейміз. Сондай-ақ, осы жолда оқушылармен бірге болып қолдау көрсеткен жетекшілерге Комаров Анатолий Сергеевич, Салимов Алмаз Баймурзаевич және Сасыкова Алха Таукеновнаға алғысымызды білдіреміз. Ұстаздардың ғылым мен білімнің дамуына қосқан үлестері үшін рахмет айтамыз.