Ашық есік күні және Байқау тесті

Құрметті ата-аналар/заңды өкілдер!

      Астана қаласындағы «Республикалық физика-математика мектебі» коммерциялық емес акционерлік қоғамы филиалы Сіздерді 2026 жылғы 11 сәуірде өтетін ашық есік күніне қатысуға шақырады.

Аталған іс-шараның мақсаты – ата-аналар мен болашақ білім алушыларды мектептің білім беру ортасымен, оқу-тәрбие үдерісінің ерекшеліктерімен, қосымша білім беру және сыныптан тыс жұмыс бағыттарымен, сондай-ақ РФММ-ға қабылдау және онда білім алу талаптарымен жан-жақты таныстыру.

Ашық есік күні бағдарламасы аясында қонақтар үшін төмендегі іс-шаралар ұйымдастырылады:

мектеп қызметінің таныстырылымы;

мектеп әкімшілігімен кездесу;

білім беру бағдарламаларымен және 7-сыныптағы оқу ерекшеліктерімен таныстыру;

мектеп ғимаратына экскурсия;

оқушылардың оқу, ғылыми, шығармашылық және спорттық жетістіктерінің көрмесі;

ата-аналарға арналған сұрақ-жауап алаңы.

Өтетін күні: 2026 жылғы 11 сәуір
Уақыты: 09:00-ден 13:00-ге дейін
Өтетін орны: Астана қаласы, Түркістан көшесі, 2/1

Сіздерді аталған іс-шараға қатысуға және РФММ-ның білім беру мүмкіндіктерімен, академиялық дәстүрлерімен, оқу үдерісінің ерекшеліктерімен жақынырақ танысуға шақырамыз.

Сонымен қатар осы күні 6-сынып оқушылары үшін РФММ-ның білім беру грантын иеленуге арналған байқау тестілеуі өткізіледі.

Тестке осы сілтеме арқылы тіркелуге болады:  РФММ