Кеңейтілген алқа отырысы: білім беру мазмұнының сапасы, менеджмент, заманауи инфрақұрылым, балалардың қауіпсіздігі және экономика үшін кадрлар даярлау

Кеңейтілген алқа отырысы: білім беру мазмұнының сапасы, менеджмент, заманауи инфрақұрылым, балалардың қауіпсіздігі және экономика үшін кадрлар даярлау

Дәстүрлі алқа отырысында Оқу-ағарту министрі Ғани Бейсембаев өткен жылды қорытындылап, білім беру сапасын одан әрі арттырудың басым бағыттарымен таныстырды. 2024 жылы орта білім беру мазмұныны қайта қаралды, жаңадан қабылданған МЖМБС жобасына «Біртұтас тәрбие» бағдарламасы енгізілді.

Айта кету керек, «Республикалық физика-математика мектебі» филиалдарының 2024-2025 оқу жылына арналған оқу-тәрбие жұмыстары да толық «Біртұтас тәрбие» жобасына негізделіп құрылды.

2024 жылы бірден екі педагог «Қазақстанның Еңбек ері» атағына ие болды. Президент тарапынан берілген жоғары баға мен құрметке ие болған қос ұстаздың бірі – РФММ –нің алғашқы түлегі, белгілі академик Асқар Жұмаділдаев екендігін атап өткіміз келеді.

Балалардың қауіпсіздігі де басты орында. Бұл орайда «РФММ» филиалдарында да әр сынып сағаты сайын оқушыларға жеке қауіпсіздік мәселесі жете түсіндірілетіндігін атап өткен жөн.

2025 жылға арналған жоспарлардың ішінде министр сынып жетекшілерінің рөліне де ерекше басымдық берді. Тәрбие жұмысының тиімділігі көп жағдайда сынып жетекшілеріне байланысты. Сондықтан оны мол тәжірибесі бар білікті ұстаздардың орындауы маңызды – деп атап өтті министр.

Осы орайда, «Республикалық физика-математика мектебі» филиалдарында 3 жыл қатарынан «Үзік сынып жетекшісі» байқауы өтізіліп келе жатқандығын атап өткіміз келеді. Аталған байқаудың әр филиал бойынша жеңімпазы 1 миллион теңгеге ие болады. Бұл іс-шара сынып жетекшілерінің жұмысын насихаттап, жетілдіруге арналған керемет жоба болып табылады. Сонымен қатар «РФММ» филиалдарында «Кураторлар институты» жұмыс істейді.

Кеңейтілген алқа отырысынада айтылған келелі мәселелер бойынша «РФММ» КеАҚ  нақты жоспарлар құрылып, жүзеге асырылатын болады.