Қош бол, бастауыш!

Астана қаласындағы Республикалық физика-математика мектебінің 4-сыныбын биыл 141 оқушы аяқтады. Бастауышпен қоштасу– тек оқу кезеңінің соңы емес, тұлғалық қалыптасудың жаңа парағының бастауы.

Оқушылар үшін төрт жыл – алғаш «Әліппемен» танысып, алғашқы есепті шешкен, дос тауып, арманмен қанаттанған керемет шақ болды. Енді осы кезең артта қалып, жаңа кезеңге қадам басар сәт келді.

Мерекелік кеште оқушылар өз өнерлерін көрсетіп, жүрек тебірентер көріністерімен, ән-жырларымен көпшілікті қуантты. Әр оқушы ұстаздары мен ата-аналарына алғысын білдірді.

Мектеп директоры бастауыш түлектеріне білімге құштарлығы, ізденісі мен белсенділігі үшін арнайы дипломдар табыстады. Бұл – олардың бастауыштағы жарқын жетістіктеріне берілген шынайы марапат.