VII FEMO International Халықаралық олимпиадасының нәтижесі

Бастауыш сынып оқушыларына арналған VII FEMO International Халықаралық математика олимпиадасының финалдық кезеңі биыл Бакуде өтті.
Аталған білім сайысының ақтық кезеңіне «Республикалық физика-математика мектебі» КеАҚ-ның Астана және Орал қалаларындағы филиалдарынан 140 оқушы қатысып, 84 медаль иеленді!

FEMO олимпиадасы үш кезеңнен тұрады. 2024–2025 оқу жылында ұйымдастырылған алғашқы екі (қысқы ❄️ және көктемгі ) іріктеу кезеңіне 6 000-нан астам оқушы қатысып, нәтижесінде 437 оқушы финалға жолдама алды.

Финалға Қазақстан , Әзербайжан , Германия , Грузия , Индонезия , Ұлыбритания , Ресей , Тәжікстан және Қырғызстан елдерінен дарынды жас математиктер келіп, білімдерін сынға салды.

Финал Oxbridge Academy мектебінің базасында өтті. Қазылар алқасы қатысушылардың жоғары дайындық деңгейін ерекше атап өтті ✅

Олимпиада бағдарламасы аясында екі кезеңдік жарыстан бөлек, қатысушылар Бакудің тарихи орындарына саяхат жасап , елдің мәдениетімен танысты

FEMO-ның басты миссиясы — бастауыш сынып оқушылары арасында математиканы насихаттау , сондай-ақ халықаралық академиялық ынтымақтастықты дамыту

Олимпиаданы ұйымдастыру ісіне Қазақстан Республикасының Әзербайжан Республикасындағы Елшілігі, Oxbridge Academy мектебі және Xezer Media Merkezi үлкен қолдау білдірді.

✨ FEMO — Республикалық физика-математика мектебімен жүзеге асырылып отырған ауқымды жоба.
Биыл жетінші рет ұйымдастырылған бұл олимпиада жыл сайын әлемнің түкпір-түкпірінен ең талантты жас математиктерді бір арнаға тоғыстыратын маңызды халықаралық білім алаңына айналды