РФММ оқушылары жасөспірімдер арасындағы XX Халықаралық жаратылыстану-ғылыми олимпиадада екі қола медаль жеңіп алды

Бангкок қаласында жасөспірімдердің XX Халықаралық жаратылыстану-ғылыми олимпиадасының (IJSO-2023) қорытындысы шығарылды. Қазақстан құрама командасының барлық алты қатысушысы қола медаль жеңіп алды.

Олимпиадаға әлемнің 55 елінен 311 оқушы қатысты. Жарысқа үш тур кірді: тест, теориялық және эксперименттік. Әр турда үш пән бойынша тапсырмалар ұсынылды: физика, химия және биология.

XX Халықаралық жаратылыстану-ғылыми жасөспірімдер олимпиадасының қола жүлдегерлері (IJSO-2023):

• Альтаир Ақанов, Астана қ. РФММ 9-сынып оқушысы;
• Ілияс Қазымбек, Астана қ. РФММ 8 сынып оқушысы;
• Батыр Ержанұлы, Өскемен қ. химия-биологиялық бағыттағы Назарбаев Зияткерлік мектебінің 9 сынып оқушысы;
• Дария Бектұрсын, дарынды балаларға арналған № 8 мектеп-лицейінің 8 сынып оқушысы, Павлодар қаласы;
• Данияр Базарбай, дарынды жастарға арналған “Білім-Инновация” Ақтөбе облыстық мамандандырылған лицей-интернатының 9 сынып оқушысы;
• Иван Рудик, дарынды балаларға арналған № 8 мектеп-лицейінің 8 сынып оқушысы, Павлодар қаласы.

Балаларды, пән мұғалімдерін және жаттықтырушылар құрамын құттықтаймыз.