FIZMAT Education Fair – 2026 

Алматы қаласында XXII Халықаралық Жәутіков олимпиадасы аясында FIZMAT Education Fair – 2026 білім беру көрмесі өтті.

Іс-шараға 25 жоғары оқу орны мен білім беру ұйымдары қатысты. Көрмеде Nazarbayev University, Satbayev University / City University, Narxoz University, Алматы технологиялық университеті, Қазақ бас сәулет-құрылыс академиясы (ҚазГАСА), Ядролық зерттеулер ұлттық университеті МИФИ-дің Қазақстандағы филиалы (КФ МИФИ), Қожа Ахмет Ясауи атындағы Халықаралық қазақ-түрік университеті (Yasawi University), Манаш Қозыбаев атындағы Солтүстік Қазақстан университеті, сондай-ақ Arizona State University, MBZUAI (Mohamed bin Zayed University of Artificial Intelligence), Xiamen University Malaysia сияқты шетелдік жоғары оқу орындарының өкілдері болды.

Сонымен қатар көрмеге EducationUSA, American Space, QS Ranking, Interpress Study Abroad, Swiss Institute of Technology and Entrepreneurship, Czech Educational Center, Hansan білім беру орталығы, Fizmat Academy қатысып, халықаралық білім беру мүмкіндіктерін таныстырды.

Тілдік және академиялық дайындық бағытында IDP IELTS, IELTS Embassy, TOEFL (Macmillan баспамен бірлесіп), Француз Альянсы өз бағдарламаларын ұсынды.

Қатысушы ұйымдар екі мыңнан аса оқушыға білім беру бағдарламалары, қабылдау талаптары мен академиялық мүмкіндіктер туралы кең көлемді ақпарат беріп, кәсіби бағдарға қатысты кеңес берді.

FIZMAT Education Fair – 2026 дарынды оқушылар үшін жоғары білім кеңістігін бағдарлауға бағытталған маңызды алаңға айналып, халықаралық олимпиада аясындағы білім беру мазмұнын толықтырды.