FIZMAT оқушысы “Ойлан тап!” олимпиадасының Бас жүлдесін жеңіп алды.

Қазақстанда алғаш рет өткен «ОЙЛАН, ТАП!» олимпиадасының Бас жүлдесін Республикалық физика-математика мектебінің оқушысы жеңіп алды.

Алматы қаласындағы РФММ-нің 8-сынып оқушысы Абзал Күнғожин тартысты сайыстағы тапсырмаларды 100 пайыз дұрыс орындап таңқалдырды.

Абзал Күнғожин, Алматы РФММ-нің 8-сынып оқушысы:

«Ойлан тап!» олимпиадасы мен үшін өте ерекше болды. Cайыс барысында біз барлығы 13 тапсырма орындадық. Оның ішінде 10 есептің тек жауабын ғана жазсақ, 3 тапсырманың шешімін толық көрсетуге тиіс болдық. Мен өзімнің жаттықтырушыларым және Алматы РФММ оқытушылары: Бақыт Жанасұлы, Архат Садырбайұлы және Қуаныш Жеңісбайұы мен Асқар Аманжолға айрықша алғыс білдіремін. Олар өз шәкірттерін кез келген додаға тыңғылықты дайындайды. Соның нәтижеінде мен барлық есепті қатесіз шығарып, бас жүлдені жеңіп алдым.

Қазақстанның әр өңірінен 150-ге жуық оқушы қатысқан білім бәсекесінде «РФММ» КеАҚ Астана және Алматы қалаларындағы филиалдарынан 5 оқушы  бақ сынап, барлығы да олжалы оралды.

Академик М.Өтелбаев атындағы «ОЙЛАН, ТАП!» республикалық олимпиадасы биыл алғаш рет өткізілді. 7-8 сынып оқушыларының математикаға деген қызығушылығын арттыруды мақсат еткен олимпиада 2025 жылғы 11-14 мамыр аралығында Таразда ұйымдастырылған

Қазақстан Республикасы Оқу-ағарту министрлігінің бастамасымен қолға алынған олимпиада отандық білім мен ғылымды ұштастыра отырып, ұшқыр ойлы, зияткер ұрпақ қалыптастыруды көздейді.

Республикалық физика-математика мектебі «Ойлан тап!» олимпиадасында оза шапқан жеңімпаздарын мақтан тұтады. Жеңімпаз оқушыларымыз:

7 сынып:

Төлеуғали Жансерік — алтын «РФММ» КеАҚ Астана филиалының оқушысы

Садуақас Марат — алтын  «РФММ» КеАҚ Астана филиалының оқушысы

8 сынып:

Күнғожин Абзал — алтын «РФММ» КеАҚ Алматы филиалының оқушысы

Өмірғожа Нұрдәулет — алтын «РФММ» КеАҚ Алматы филиалының оқушысы

Абишев Данияр — қола «РФММ» КеАҚ Алматы филиалының оқушысы