FIZMAT ОҚУШЫЛАРЫ ШАХМАТТАН ӘЛЕМ ЧЕМПИОНЫ АТАНДЫ

13-15 сәуір күндері Грекияның Родос қаласында өткен Әлем чемпионатында «РФММ» Астана филиалының 3-сынып оқушысы Анетов Әміржан және 10-сынып оқушысы Сүлеймен Ерғали шахматтың бірден екі түрінен (рапид және блиц) алтын алды.

Осылайша, 50 -ге жуық елден 500-ге тарта оқушы қатысқан тартысты турнирде физмат оқушылары топ жарды. Әлем чемпионы атанған Анетов Әміржан мен Сүлеймен Ерғали бес-алты жастарынан бастап шахматпен айналысады. Әлем чемпионатына дейін олар ақыл-ой гимнастикасының бірнеше додасында жеңімпаз атанған.  Айта кету керек, аталған турнирде Қазақстан құрамасы елу елдің ең алдына шығып, жеңіске жетті.

Командалық есепте:

Қазақстан – I орын;

Ресей –  II орын;

Вьетнам – III орынды еншіледі.

Жеңімпаздарымызды шын жүректен құттықтаймыз және алдағы жарыстарда сәттілік тілейміз!