Хьюстон төріндегі FIZMAT жеңісі: FIRST Championship 2026

2026 жылғы 29 сәуір мен 2 мамыр аралығында FIZMAT Robotics және FoxSlide робототехникалық командалары АҚШ-тың Хьюстон қаласында өткен халықаралық FIRST Championship — FIRST Tech Challenge чемпионатында Астана қаласындағы «РФММ» КеАҚ филиалын абыроймен таныстырды.

FIZMAT Robotics #28061 Franklin Division бойынша беделді Reach Award жүлдесінің иегері атанды. Бұл марапат команданың STEM-қоғамдастықты дамытуға қосқан үлесі, робототехниканы насихаттауы, outreach-қызметі, тәжірибе алмасуы және жаңа қатысушыларды шабыттандыруы үшін беріледі.

FoxSlide #29029 Edison Division-де жоғары нәтиже көрсетті: іріктеу кезеңінде 6 жеңіске қол жеткізіп, плей-офф кезеңіне өтті. Бұл — үлкен халықаралық тәжірибе, мінездің, командалық рухтың көрінісі және алға сенімді қадам.

FIZMAT робототехника бағытын дамытуға қосқан еңбегі, қолдауы мен сенімі үшін оқушыларға, менторларға және ата-аналарға шынайы алғысымызды білдіреміз.

Сондай-ақ демеушілеріміз — FIZMAT Endowment Fund, LEX inc., Alto Grain, Olzha Agro — STEM-білім беруді дамытуға, инженерлік мәдениетті ілгерілетуге қосқан үлестері үшін ерекше алғыс айтамыз. Демеушілеріміздің жанашырлығы мен қолдауы талантты оқушылардың әлемдік деңгейдегі білім және технология алаңдарында өз әлеуетін көрсетуіне үлкен мүмкіндік сыйлап отыр.
Жас физматтықтардың жарқын болашағына инвестиция салып, олардың үлкен армандарына сенім білдіріп келе жатқан қордың еңбегі — өскелең ұрпақтың дамуына қосылған маңызды үлес.

FIZMAT Robotics командасын FIRST Championship — FIRST Tech Challenge чемпионатындағы Franklin Division аясында Reach Award Winner марапатын иеленуімен құттықтаймыз. Бұл — командалық жұмыстың, көшбасшылықтың, әлеуметтік белсенділіктің және STEM-қоғамдастықты дамытуға қосқан үлестің айқын нәтижесі.

FoxSlide командасына да табандылығы, лайықты өнер көрсетуі және үздіксіз дамуға деген ұмтылысы үшін алғыс айтамыз. Бұл халықаралық тәжірибе болашақ инженерлік жобалар мен жаңа жетістіктерге берік негіз боларына сенімдіміз.

Алда командаларды жаңа мақсаттар күтіп тұр: техникалық дайындықты одан әрі жетілдіру, роботтарды дамыту, бағдарламалау мен инженерлік дизайнды күшейту, outreach-бағытын кеңейту және халықаралық аренада жаңа белестерді бағындыру.

FIZMAT өз командаларымен мақтанады!