Мектеп олимпиадашыларын марапаттады

22 мамыр күні мектебімізде Олимпиада жеңімпаздарының шеруі өтті. Бұл күні Астана қаласы РФММ-нің ең үздік оқушыларына ерекше құрмет көрсетілді!

2024-2025 оқу жылында мектебіміздің қоржыны 17 алтын, 21 күміс, 49 қола медальмен толықтырылды.

Шеруде:
– Республикалық пәндік олимпиадалар мен қалалық Жәутіков олимпиадасының;
– Ғылыми жобалар бойынша республикалық конкурстар мен “Зерде” жобалар байқауының;
– Робототехника бойынша өңірлік, республикалық және халықаралық жарыстарының;
– Халықаралық олимпиадалар мен жобалар конкурстарының жеңімпаздары мен жүлдегерлері мектеп директоры мен “РФММ” КеАҚ Басқарма төрағасының атынан алғыс хаттармен марапатталды.

Жаңа жеңістерді, биік мақсаттарды бағындырып, шабытқа толы жарқын жолдың шыңында болыңыздар!