«FIZMAT Education Fair – 2024» Халықаралық білім беру көрмесі және мектеп оқушылары мен олардың ата-аналарына арналған кәсіптік бағдар беру конференциясы

18 мамыр Астана қаласының Республикалық физика-математика мектебінде «FIZMAT Education Fair – 2024» Халықаралық білім беру көрмесі, сонымен бірге мектеп оқушылары мен олардың ата-аналарына арналған кәсіптік бағдар беру конференциясы өтті. Іс-шараға 2000-нан астам қатысушы жиналды, олардың арасында оқушылар, олардың ата-аналары және білім беру мекемелерінің өкілдері болды. Кәсіптік бағдар беру конференциясы аясында білім беру саласындағы спикерлер мен қайраткерлер сөз сөйледі, олар өз білімдерімен, тәжірибелерімен және кеңестерімен бөлісті, қатысушыларға заманауи білім берудің мүмкіндіктері мен перспективаларын жақсы түсінуге көмектесті. Олардың ішінде Nazarbayev University вице-президенті Дархан Билялов, Атырау Мұнай және газ университетінің Басқарма Төрағасы-ректоры Гүлзада Шакуликова, Ustaz.pro бас директоры, Talim.pro тәлімгері Рамиль Кабдуалиев және т.б..

Көрмеге 20-дан астам отандық және шетелдік университеттер қатысып, өздерінің бағдарламалары мен оқу мүмкіндіктерін ұсынды. Олардың қатарында Nazarbayev University, Xiamen University Malaysia, De Montfort University Kazakhstan, Canterbury Christ Church University, Almaty Management University, Maqsut Narikbayev University бар. Сондай-ақ, көрмеде Crimson Consulting Limited, Ivy League Education, Logos Education, «Skill Matrix» дағдылар зертханасы, Canadian International School, Open Edu, Education USA және басқа да жетекші білім беру орталықтары мен тілдік мектептер қатысты.

АЭБУ техникалық жоғары оқу орны болғандықтан біздің мақсатты аудиториямыз физика, математика және информатика пәндерін оқитын оқушылар екенін ескере керек. Көрме өте жақсы ұйымдастырылған, келесі жолы тағы да қатысамыз

Алматы энергетика және байланыс университетінің өкілі, Дүйсенғалиева Меруерт

Көрме өте жақсы деңгейде өтті, саналы балалар көп болды, ата-аналардың көп болғаны өте ұнады, өйткені олар шешім қабылдап, балалардың демеушілері болып табылады

Canterbury Christ Church University Great Britain өкілі, Қойгелдиева Айзада