“РФММ” Астана филиалында – Орта Азиядағы алғашқы Apple Authorized Training Center for Education ресми жаттықтыру орталығы ашылды!

Үлкен жетістік! Республикалық физика-математика мектебі (РФММ) әлемге әйгілі Apple компаниясымен серіктес атанып, AATCE (Apple Authorized Training Center for Education) сертификатына ие болды! Бұл Қазақстан ғана емес, бүкіл Орта Азиядағы осындай мәртебеге қол жеткізген бірінші білім ордасы.

Енді РФММ оқушылары Apple-дің эксклюзивті “Develop in Swift” бағдарламасы бойынша білім алады! Swift бағдарламалау тілін меңгеріп, алдағы Swift Student Challenge және басқа да халықаралық Apple байқауларына қатысуды да жоспарлап отыр.

Бұл жетістік – физика-математикалық мықты білім негізінің, үздік оқытушылардың еңбегінің және басшылықтың қолдауының жемісі.

Apple жаттықтыру орталығының салтанатты ашылуы Наурыз мерекесімен қатар өтті және оған Apple-дің Қазақстандағы өкілдері арнайы қатысты.

Қазақстанның IT болашағы жарқын! РФММ оқушылары ғаламдық технологиялық трендтерді меңгеріп, әлемдік IT-индустриясы көшбасшыларының қатарына қосылуды мақсат етеді.