Патриотизм мен тәртіп: жастарға патриоттық тәрбие беру жолында

Астана қаласындағы Республикалық физика-математика мектебінде Отан қорғаушылар күні мен Ұлы Жеңістің 80 жылдығына арналған патриоттық іс-шара өтті. Іс-шараға 10-сынып оқушылары толық қатысып, жоғары дайындық деңгейін, тәртіптілікті және ұйымшылдықты көрсетті.

Жарыс екі кезеңнен тұрды:
Саптық жүріс – қатысушылар қимылдардың нақтылығын және командамен жұмыс істеу қабілеттерін көрсетті.
Саптық ән – әр команда патриоттық әнді саптық әрекеттермен үйлестіре орындады.

Байқау нәтижелері:
1 орын – 10А сыныбы
2 орын – 10F сыныбы
3 орын – 10С сыныбы

Номинациялар:
Ең үздік саптық жүріс – 10Н сыныбы
Ең үздік саптық ән – 10D сыныбы
Ең үздік форма – 10Е сыныбы

Іс-шараның спикерлері:
Тасболатов Абай Болекпаевич — генерал-лейтенант, Қазақстан Республикасы Парламенті Мәжілісінің экс-депутаты,
мемлекет және қоғам қайраткері, саяси ғылымдар докторы, профессор, Қазақстан Республикасының еңбек сіңірген қайраткері, Қазақстан Республикасының Республикалық ұланының экс-командирі.

Өз сөзінде Абай Болекпаевич болашақ Отан қорғаушыларды сапалы даярлаудың маңыздылығын атап өтіп, жастар арасында патриотизмді, тәртіптілікті және жоғары азаматтық жауапкершілікті қалыптастыруға баса назар аударды.

Іс-шараны ұйымдастырушы – Б.Е. Шуренов, алғашқы әскери дайындық пәнінің мұғалімі