РФММ мұғалімдері АҚШ-та өткен халықаралық конференцияға қатысты

2024–2029 жылдарға арналған РФММ-нің даму Стратегиясында белгіленген екінші бағыт – мұғалімдердің жағдайын жақсарту болып табылады. Оның ішінде әсіресе ұстаздардың кәсіби өсуіне жағдай жасау ерекше назарда. Жақында мектептің NSCSS 2025 командасы Professional Conference халықаралық конференциясына қатысып қайтты. Іс-шара АҚШ-тың Солтүстік Каролина штаты, Роли қаласында өтті.
Төрт күн бойы қатысушылар STEM-білім беру, жасанды интеллект, инклюзивті оқыту және көшбасшылық тақырыптарындағы заманауи тәжірибелермен танысты. Конференция бағдарламасына дәрістер, тәжірибелік семинарлар, көрмелер және әр елден келген мұғалімдер арасындағы тәжірибе алмасу сессиялары кірді.

РФММ ұстаздары конференциядан жаңа идеялар алып, халықаралық байланыстар орнатты және білім беру процесін жетілдіру жолдарын үйренді. Сондай-ақ, мұғалімдердің кәсіби жағдайын жақсарту, инновациялық әдістерді енгізу және оқушыларға сапалы білім беру бағытындағы тәжірибелерді өз мектебімізде қолдану мүмкіндіктері зерделенді.