Химия пәні бойынша Республикалық олимпиададан күміс медаль

2023 жылдың 30 қазанынан 2 қарашасына дейін Жезқазған қаласында химия пәнінен Қ. Сәтбаев атындағы Республикалық олимпиада өтті. Олимпиада неғұрлым қабілетті оқушыларды анықтау, олардың химияға деген қызығушылығын дамыту, пәнді тереңдетіп оқуды ынталандыру мақсатында өткізілді. Зияткерлік сайыста Қазақстанның барлық өңірлерінен барлығы 75 қатысушы бақ сынасты. Оқушыларды 30-дан астам мұғалім-тәлімгер ертіп жүрді.

Қатысушыларға арналған тапсырмалар екі кезеңге бөлінді – теориялық және практикалық. Бірінші кезеңде оқушылар күрделілігі жоғары мәселелерді шешті, ал екінші кезеңде химиялық заттарды қасиеттері бойынша анықтау мақсатында дербес зертханалық жұмыстар жүргізді.

ҚР Білім Министрлігінің I дәрежелі дипломдарымен және алтын медальмен 7 жеңімпаз, II дәрежелі – 10 жүлдегер, III дәрежелі – 18 олимпиадаға қатысушы марапатталды.   Біздің 9-сынып оқушысы Балғабай Алдияр Еркіндосұлы күмісті жеңіп алды.

РФММ мектебінің ұжымы Алдиярды, олимпиадалық химия жаттықтырушысы Райсханова Гүлжанат Советовнаны және химия пәні мұғалімі Матаева Әсел Жұмабаевнаны лайықты жеңісімен құттықтап, химия пәні саласында одан әрі табыстар мен жаңа жетістіктер тілейді!