Central Asia FIRST Championship чемпионатында «Engireeng Excellence Award» номинациясында жеңіске жеттік

23-25 ақпан аралығында Астанада робототехника бойынша Central Asia FIRST Championship чемпионаты өтті. Әлемнің 7 елінен, соның ішінде Гонконг, БАӘ, Әзірбайжан елдерінен 3000-нан астам робототехниктер қатысқан Central Asia FIRST Championship ресми чемпионаты Әл-Фараби атындағы Оқушылар сарайында өтті. Үздіктердің үздігі атану үшін Қазақстанның іріктеу чемпионаттары барысында квота алған 200 қазақстандық команда және ұйымдастыру комитетінің шақыруын алған 20 халықаралық команда бақ сынады.

Чемпионат FIRST дүниежүзілік бағдарламасы аясында үш жас санатында өтті.
— FLL Explore (6-10 жас)
— FLL Challenge (10-16 жас)
— FTC (12-18 жас)

FLL Challenge чемпионаты келесі конкурстарды қамтиды:
— робот ойындары (25%)
— инновациялық жоба (25%)
— робот дизайны (25%)
— олимпиаданың негізгі құндылықтарын ашу (25%) — ынтымақтастық және кәсібилік. Жеңімпаз өнер көрсетуде алынған пайыздар сомасымен анықталады. Бұл осы санатта қай команда үздік екенін анықтауды жеңілдетеді.

Central Asia FIRST чемпионатында мектептің беделін екі команда қорғады:

@fizmat.robotics Central Asia First Championship-те таңғалдырарлықтай өнер көрсетіп, «Engireeng Excellence Award» үздік номинацияларының бірі — «Инженерлік шеберлік» марапатын жеңіп алды. Бұл марапат маусым тапсырмаларын тиімді шешіп, сондай-ақ команда қатысушыларының барлық әрекеттерінде айқын байқалған «Негізгі қағидаларды» ұстанудың жоғары деңгейін көрсеткен инновациялық жобалық шешімді ұсынған, роботты сапалы жобалаған командаға беріледі.

Бұл біздің команданың осы байқауда көрсеткен кәсіби шеберлігі мен шығармашылық ойлауының жоғары деңгейде екенін көрсетеді.

-Бердіғұлова Анара 6D сынып
-Сатанова Сара 6D сынып
-Аманжолов Асаналі 7Н сынып
-Ақмағамбетов Арлан 7D сынып
-Берікбол Мадияр 8С сынып

Астана қ. РФММ шәкірттері Әл-Фараби атындағы Оқушылар сарайының оқушыларына@farabi.fll тәлімгерлері болған. @Farabi.fll командасы бірінші рет жарысқа қатысқанымен, чемпионат арқасында теңдессіз тәжірибе, жаңа достар және нәтижеге жету үшін қажетті дағдыларды алды.