Қазақстан құрамасы мен РФММ жеңісі: Анастасия Пономарёва халықаралық олимпиаданың қола жүлдегері

Румыния астанасы Бухарест қаласында өткен олимпиададан Қазақстан құрамасы жеңіспен оралды. IJSO халықаралық жаратылыстану-ғылыми олимпиадасында 100% нәтиже көрсеткен команда сапындағы 6 оқушының тең жартысы Республикалық физика-математика мектебінің оқушылары.

«РФММ»-нің Алматы және Астана қалаларындағы филиалдарының ұжымы чемпиондарын салтанатты түрде қарсы алды.

Болашақ жас ғалымдардың арасында Астана қаласындағы физмат мектебінің 9-сынып оқушысы Анастасия Пономоревада бар. Ол халықаралық IJSO олимпиадасында қола жүлдені жеңіп алды.

Анастасия Пономоревa, «РФММ» КеАҚ Астана қаласындағы филиалының оқушысы:
Бұл менің алғашқы халықаралық олимпиадам. Мен үшін үлкен тәжірибе мектебі болды. Қазақстан құрамасы өте жақсы дайындықпен аттандық. Сондықтан болар мен олимпиада барысында қатты қобалжыған жоқпын. Сол үшін де өзімнің Республикалық физика-математика мектебіндегі мұғалімдеріме зор алғыс білдіремін, — дейді.

Айта кету керек, Анастасия 1-сыныптан бастап Астанадағы физмат мектебінде білім алып келеді. Бастауыш буында республикалық «Бастау» олимпиадасында 2 орын иеленсе, 8-сыныпта республикалық сынның жеңімпазы атанған.

⚗️Жаратылыстану бағытындағы пәндерге қызығушылық танытқан оқушы осы жолы әлемнің 60 елінен 400-ге жуық оқушы қатысқан дүбірлі дода да топ жарып, жеңімпаздар қатарынан көріне білді.
Анастасияның ендігі арманы – халықаралық олимпиаданың алтын медалін жеңіп алу.