«Мен жалындап өтемін…..» республикалық байқауы

2019 жылдың қараша айының 23 күні «Рухани жаңғыру» бағдарламасы аясында «Болашақ» өнер мектебінің ұйымдасыруымен халық ақыны Фариза Оңғарсынованың 80 жылдығына орай «Мен жалындап өтемін…..» тақырыбында өткізілген республикалық байқауға біздің мектебіміздің 2 «А» сынып оқушылары Ахметова Дилара мен Жеңісбекұлы Айбын қатысты.
Байқау Нұр-Сұлтан қаласында Қазақстан Орталық концерт залында өткізілді.
Байқаудың мақсаты — Фариза апамыздың өмір жолы мен шығармашылығын жас ұрпаққа дәріптеу, өлеңдерінің мағынасын түсіну және де әр оқушының бойында патриоттық сезімін ояту болып табылады.
Байқауға 6 мен 17 жас аралығындағы оқушылар қатысты. Барлық қатысушылардың саны 200 — ден аса болды. Байқау бірнеше номинация бойынша бағаланды.
«Көркем сөз оқу шеберлігі» номинациясы бойынша Ахметова Дилара Ф.Оңғарсынованың «Ұстаз» өлеңін мәнерлеп оқып 3 орын алса, «Арнау» номинациясы бойынша Жеңісбекұлы Айбын өз шығармашылығынан «Фариза апама арнау» өлеңін мәнерлеп жатқа айтып 1 орынға ие болды.
Жеңімпаздарды шын жүректен құттықтай отырып, алдағы уақытта шығармашылық табыстар тілейміз! Оқушыларымыз әрқашан биік шыңдарды бағындыра берсін!