Алтын Орда мемлекетінің 750 жылдығына арналған интеллектуалдық жарыс өтті

РФММ-нің Нұр-Сұлтан қалалық филиалында «Тарих апталығының» аясында тарих пәні мұғалімі А.Б. Көптілеуованың ұйымдастыруымен мектебіміздің 6 (А,В,D,Е) сыныптары арасында Алтын Орда мемлекетінің 750 жылдығына арналған интеллектуалдық жарыс болып өтті. Аталған жарыс төрт деңгейден тұрды.

Біріншісі түрлі сұрақтардан құралған «Сергіту» деңгейі, екінші Алтын Орда мемлекетінде ел билеуге қатысқан тұлғаларға арналған «Ұлы Есімдер» деңгейі, үшінші деңгей «Терминдер» және ақтық сайыс тапсырмасы «Алтын Орданың мемлекеттік құрылысына» арналды. Жарыс барысында балалар сұрақтарды қызу талқылап, өздерінің шапшаңдығын да көрсете білді, себебі сайыс қоңырау уақытында 20 минут көлемінде ғана өтті. Төрт деңгейлі сұрақтардың нәтижесінде 6А сыныбы мен 6Е сыныбы өздерінің білімдерін барынша көрсетіп, жоғары баллдарға ие болды. Сайыстың қорытындылары бойынша 6А сыныбы жүлделі бірінші орынды иеленді (6А-9,5 балл; 6Е-9 балл; 6В-8 балл; 6 D-7 балл). Жарысқа қатысқан командалар «Тарих апталығын» қорытындылауға арналған салтанатты жиында марапатталатын болады.