Дене шынықтыру сабағында ұлттық ойындардың алатын орны

Оқу үрдісінде ұлттық ойын элементтерін пайдалану сабақтың тақырыбы мен мазмұнын ашуға, белгілі бір мақсатқа жетуге өз ықпалын тигізеді. Мектептегі дене шынықтыру пәнінің жоспарлау жұмысын ұйымдастыру, жас ұрпақтың жалпы дене бітімін дамыту үшін еңбек етуге, Отанын қорғауға дайындау үшін, салауатты өмір салтын қалыптастыру үшін пайдасы зор.

Бірыңғай әдістемелік апталығына арналып ұйымдастырылған бүгінгі 6 «А» сыныбында өткен дене шынықтыру ашық сабағында қолданған қазақтың ұлттық ойындарының бірі – асық ойыны.

Ұлттық ойындар дене шынықтыру сабағында оқушыларды өзінше әрекеттенуге, қабылдау мүшелерінің жұмысын арттыруға және ойлай білу, мақсатқа жету, өзін-өзі ұстай білуге үйретеді, өзіне-өзі сенуге, белсенділікке тәрбиелейді, ойын тәртібін сақтау оларды ұйымшылдыққа тәрбиелейді. Сабақтарда қолданылатын қазақтың ұлттық ойындарының басқа халықтардың ұлттық ойындарынан айырмашылығы — оның шығу, пайда болу тегінің ерекшелігіне байланысты белгілі бір тәрбиелік мақсат бірлігін көздейтінінде.

Балалар сабақта қызығушылық танытып,асық ойнаудағы ережелерді ұстанып, өздерінің ептіліктерін,алғырлықтарын,ширақтылықтарын көрсете білді. Ұлттық ойындарды оқу және тәрбие үрдісінде пайдаланудың өзектілігі бүгінгі жастарға үлгілі, өнегелі тәрбие беру — қазіргі міндеттердің бірі. Халық ойынды тәрбие құралы деп таныған. Ойынды сабақта қолдану оқушылардың ой-өрісін жетілдірумен бірге, өз халқының асыл мұраларын бойына сіңіріп, кейінгі ұрпаққа жеткізе білудің бір құралы болып саналады. Дене шынықтыру кафедрасының меңгерушісі Масалимов А.К. және пән мұғалімі Даулетов А.О.