VI республикалық «Ақберен» өнер байқауы

Қараша айының 21–23 күндер аралығында Щучинск қаласында «Дарын» республикалық ғылыми-практикалық орталығының ұйымдастыруымен шығармашыл оқушылар арасындағы VI республикалық «Ақберен» өнер байқауы өткізілді. Ұйымдастырушылар байқау басталмас бұрын барлық оқушылар мен жетекшілерге  қазақ даласындағы ерекше сұлу, мейлінше көрікті мекендерінің бірі – Көкшетау өңірінің тарихымен таныстырды.  Көкшететаудың керемет жерлері Оқжетпес шыңы, Жұмбақтас жартасы, Абылай алаңына да саяхат жасалды. Күннің суығына қарамастан Көкшетау өңірінің сұлу табиғатына тамсанып, уақыттың қалай зымырап өткені де байқалмады. Байқаудың негізгі мақсаты 8–11 сынып оқушыларының шығармашылық қабілетін, тапқырлығын, дарынындылығын дамыту. Байқауға республикадағы арнайы мектептердің, гиназиялардың, лицейлердің жалпы білім беретін мектептердің 8–11 сынып оқушылары қатысты. 

Байқау 6 номинация бойынша өткізілді

• Шешендік сайыс
• Көркемсөз оқу.
• Эссе жазу.
• Ұлттық аспапта өнер көрсету.
• Ақындар айтысы.
• Ақындар мүшәйрасы.

    Біздің мектептен  9В сынып оқушысы Кенжеханов Нұрбек ұлттық аспап домбырада ойнады , 10Z  сынып оқушысы Жанат Алуа «Қазақтың бір құбыласы — Абай» деген тақырыпта эссе жазды,  10Z сынып оқушысы Қайырбай Темірлан Сәкен Сейфуллиннің «Аққудың айырылуы» поэмасынан үзінді, 6А сынып оқушысы Есенбай Ануар өз шығармашылығынан «Сыр елім» өлеңін мәнерлеп жатқа айтты. Ал  9В сынып оқушысы Абдулла Али шешендік өнерге қатысып бақ сынасты. Сайыстың қорытындысы бойынша барлық оқушыларға сертификат берілді, Кенжеханов Нұрбек «Мақтау қағазымен» марапатталды. 

    Оқушыларымыз алдағы уақытта да көптеген республикалық байқауларға қатысып, мықтылардың мықтысы, жүйріктердің жүйрігі болатынына сенеміз! Жеңіс тұғырынан көріне беріңдер!!!