Отбасым – кіші Отаным

Мектебімізде 2019 жылдың қараша айының 9 күні рухани жаңғыру бағдарламасы аясында «Отбасым – кіші Отаным» тақырыбында 1 «А» сынып жетекшісі Оспанова Зауреш Сейтановнаның ұйымдастыруымен сынып сағаты өткізілді. Сынып сағатының басты мақсаты оқушыларға адам өмірінде отбасы мүшелерінің алатын орны туралы түсінік беру, әке — шеше, бауырдың қадірін түсіндіру және отбасы туралы ұғымдарын кеңейту болып табылады.
Сынып сағаты әңгімелесу, шығармашылықты қорғау түрінде өткізілді. Сынып сағатына ата-аналар, мектеп мұғалімдері қатысты. Оқушыларымыз өзімізге ең жақын, ең қымбат анамыз, қамқор әкеміз, қайырымды ата – әжеміз, аға – әпкеміз, іні – қарындасымыз туралы айтты
Отбасы – тәрбие бастауы, болашақ ұрпақтың еліне, Отанына деген сүйіспеншілігі алдымен ата-ананың ықпалымен қалыптасады. Отбасының екі тірегі – әлпештеген әке мен аялаған ана. Ата-анаға үлкенге қызмет етіп, әкеңнің еңбегін, анаңның ақ сүтін өтеу-біздің борышымыз. Оқушылар отбасы, туысқандар туралы өлеңдерді жатқа айтты. «Менің Отаным» әнін орындады.
Оқушылар өздерінің «Шежіре ағашын» айтып берді. «Отбасылық дәстүрлер мен мерекелерге» арналған постерлерін қорғады. Фотосурет бойынша әңгімеледі.
«Тілек шамы» тренингіне барлық оқушыларымыз қызығып, белсене араласты. Шамды бір-біріне тапсыра отырып тілектерін айтты. Соңында барлығы бір-біріне қол шапалақтап қошемет көрсетті. Отбасы – ол ең жақын адамдардың ошағы. Оқушылар әрқашан отбасы мүшелерін сыйлап, құрметтеу керек екендіктерін үйренді. Барлық оқушы сынып сағатынан жақсы әсер алды.